Biblioteca Escolar
Colexio Ramón de la Sagra (A Coruña)

martes, 15 de maio de 2018

Tres mares especialmente fermosos.

E seguimos co mar!
Desta vez con tres álbumes ilustrados que nos gustan moito, moito.
LA OLA: fermosísimo. Sen texto. A historia ... escribímola nós. Imposible non facelo!
EL MAR: delicado, orixinal, outro punto de vista. Un mar lembrado, construído de recordos.
EL MAR (y otras cosas de las ... ) Sensibilidade, beleza en estado puro ... e aínda máis.


mércores, 25 de abril de 2018

Aprendemos moito ... e bonito!

Velaí tres libros divulgativos sobre o mar que as profes do Equipo (e tamén eu) valoramos especialmente.
Son libros cos que aprendemos moitas cousas e ademais son moi fermosos.
Deses libros que aportan moito... e bonito!

martes, 13 de marzo de 2018

Mónica Rodríguez na nosa biblioteca.

Hai uns días puiden participar cos rapaces e rapazas de quinto de Primaria nun encontro con Mónica Rodriguez. Elas e eles agardábana entusiasmados despois de ter compartido a lectura de Alma y la isla.
O libro conmovéraos profundamente pola súa historia, pola beleza da súa linguaxe e polas fermosísimas ilustracións.

O encontro foi moi agradable para eles e elas, para as profes, para min ... e penso que tamén para Mónica.

MIL GRAZAS polo libro e pola túa presenza, Mónica!!

domingo, 11 de marzo de 2018

Libros e vídeos ... que son do mar!

Así temos o colexio:

Podemos mergullarnos en fermosos libros que son do mar.
Estes que vedes son libros da nosa Biblio, pero temos moitos máis: aqueles que nos aportan as familias desde as súas casas ou os das Bibliotecas Públicas.
Xoias que nos axudan a aprender.

Pero hoxe quero amosarvos algo máis: vídeos para visitar arrecifes de corais, para nadar cun golfiño, para ver un polbo bebé, para coñermos a nosa pesca ...
QUEREDES VELOS??
Pois aí os tedes! Na marxe dereita deste blog, na caixiña de Proxectos Compartidos, dentro de Son do mar.

venres, 26 de xaneiro de 2018

Sara e Álex na nosa Biblio.

Hai uns días tiven o privilexio de ver e escoitar a Sara e Álex no recuncho de contar da nosa biblioteca.
Alí estabamos  as nenas e nenos de cinco anos, osiños e tartarugas nesta ocasión, coas profes e máis eu, desde o meu agocho.
Ante nós desfilaron historias como Frederick, Un máis, A horta de Simón, Colores e Animais de compañía.
Álex e Sara conseguiron que eses libros, que son un agasallo en si mesmos, medraran aínda máis.
Foi un momento estupendo, que a todas e todos nos gustou MOITO, MOITO, MOITO.
Mil GRAZAS, Sara e Álex!!



mércores, 24 de xaneiro de 2018

Mergullándonos en SON DO MAR.

Aquí estamos. Comenzando o proxecto deste curso: Son do mar.

Porque así é. 
Eu, coma vós, queridas cascarilleiras e cascarilleiros, 
eu ... son do mar.
Son dunha cidade que é toda mar
e este é o seu son.