Biblioteca Escolar
Colexio Ramón de la Sagra (A Coruña)

mércores, 4 de outubro de 2017

BENVIDA CON NORABOA.

Benvidos todas e todos!!
Aquí estamos outra vez.

Non me vistes???
Pois xa repartín algún Conto por Dente e ando a remexer nas Mochilas Viaxeiras para que comecen as súas viaxes.
Xa vos botaba en falta!!

Hoxe quero saudarvos e aproveitar para compartir con vós unha nova.
Unha nova moi importante. Un agasallo para todos:
O noso Antonio García Teijeiro é desde onte PREMIO NACIONAL de Literatura Infantil e Xuvenil.
Canto nos alegramos. NORABOA, querido Antonio!


mércores, 7 de xuño de 2017

Unha vez máis.

Unha vez máis vai chegando o verán ... hai que ir pechando ...
Pero non sen antes publicar o prometido:
un vídeo que amose un pouquiño o que vivimos no noso GANCHETE!

Para todas as nenas e nenos do noso colexio,
pola entrega, a responsabilidade, a ilusión.

Para todas as familias,
polas toallas que sempre chegan, pola complicidade.

No vídeo non cabemos todos, pero todos estamos representados. GRAZAS!!




xoves, 1 de xuño de 2017

Escritoras, mulleres e galegas.

Nestes días tivemos na nosa Biblio a Ledicia Costas e Érica Esmorís.
Elas son as autoras de Esmeraldina, a cociñeira defunta e Nena e o mar, respectivamente.
Os rapaces e rapazas de 5º de Primaria leron o primerio e nas aulas de 6º leuse o segundo.

MIL GRAZAS, Ledicia e Érica, pola vosa presenza na biblioteca, que suma ilusión á lectura, que a fortalece; pero aínda máis por eses libros.
Éncantanos saber que son obras de dúas mulleres, escritoras e galegas. NORABOA!



xoves, 27 de abril de 2017

Con rumbo polo mundo.

Na dereita deste blog, debaixo do BaúldeCascarilla, atoparás a caixa dos Proxectos Compartidos.
Entra nela e mira en Con rumbo polo mundo.

Verás que hai algúns enlaces.
A min gústanme moito: podes ver como se fabricaban e como se fabrican os globos terráqueos, podes vivir algunha viaxe virtual, ou disfrutar deste vídeo que vos deixo aquí abaixo.


martes, 25 de abril de 2017

Paco Nogueiras na nosa BIblio.

Como sucede desde hai moitos cursos, as nenas e nenos de cinco anos, neste caso Pitiños e Peixiños, recibiron ese agasallo especial e que tanto lles gusta: a súa sesión de Contacontos.

Desde o meu agocho vin como miraban, escoitaban e participaban entusiasmados: Renato, A árbore da escola, Piñeiro, Mister Magnolia...

Saíron felices e con moito que contar!

O Contador parecíase moito a Paco Nogueiras ... Seríao????
Poida que si pero ... faltáballe un sombreiro azul!!



domingo, 23 de abril de 2017

23 de abril, día do libro.


No ano 1979 Francesco  Tonucci creaba esta viñeta:

Desde BiblioCascarilla seguimos a reivindicala.
Feliz día do libro!

xoves, 30 de marzo de 2017

Hai uns días as nenas e nenos de 4º e 5º de primaria compartiron na Biblio unha charla sobre animais mentireiros, que versaba sobre esa marabilla da adaptación que coñecemos como camuflaxe.
Desde o meu agocho vin ollos moi abertos, mans levantadas, escoitei moitas preguntas e intervencións...
Esta actividade foi posible grazas á iniciativa dunha nai do colexio que trouxo con ela a Mª José, unha compañeira experta en zooloxía. Como adoita suceder, atopamos nas familias un dos recursos máis valiosos para a aprendizaxe.
Grazas, Luisa. Grazas, Mª José. Ademais de aprendermos sobre camuflaxe, é moi posible que ese día espertaran moitos desexos de saber máis. Iso si que é importante!